1زهقتينا يا دعاء وتعبتينا وصدعتينا بالبيوتكنولوجي بتاعك ده من كام سنه وحضرتك موراكيش حاجه ومعلقه عماله بايوتكنولوجي بايوتكنولوجي بايوتكنولوجي واحنا مش فاهمين ولا عارفين هو ايه أصلا دا علم جديد حضرتك مصدعانا بيه بقي وعماله تتنططي علينا بيه احنا مسمعناش عنه قبل كده علشان جديد
2 لحظه بس 😚🥺😌 اصبروا واستهدوا بالله مين قال يا جدعان أن البيوتكنولوجي جديد دا موجود من قديم الأزل بس احنا ال مش واخدين بالنا .....ازاي بقي🤔🤔🤔عارفين لما بنيجي نخبز ونحط الخميره علي الدقيق عارفين عملية ال Fermentation أو التخمر ال بتحصل دي ده بقي بايوتكنولوجي تصدقوا طيب عارفين كمان الجبنه والزبادي . العمليه ال انا با احول بيها اللبن لجبنه أو زبادي ده بايوتكنولوجي وطبعاً مش هاننسي الا هبي بصحنك فاصبحينا واسقي خمور ال مش عارفه ايه ماليش في العربي يا جدعان ولا الشعر الجاهلي بس عارفين من ايام الراجل ده كان فيه بايوتكنولوجي تخيلوا ما هي صناعة الخمور وإنتاج الكحولات عموماً بايوتكنولوجي دا اصلا لو ركنت عيش في الهواء وعفن لو ركنت اكل وباظ ده في حد ذاته بايوتكنولوجي يعني مش جديد ولا حاجه بس احنا بقي كا Biotechnologist ما وقفناش لحد كده وقررنا نطور الموضوع بحاجات جديده ودي كانت بداية علم البيوتكنولوجي الحديث ال بيدرس ال هانتكلم عنه في البوست الجاي إن شاء الله كمان شويه استنوني🤗🤗🤗
اخرت عليكم شويه معلش بس لازم يبقي فيه ساسبينس وتشويق وكده اتكلمنا المره ال فاتت عن ان البيوتكنولوجي مش علم جديد ولا حاجه وإن ده حاجه موجوده من قديم الازل بس بتحصل فيها تطورات والعلماء بيكتشفوا فيها ويعملوا فيها أبحاث وقلنا إن إحنا المره دي هانتكلم عن العلم المستجد طيب جاهزين بقي يامحاربيين نعرف إيه هو البيوتكنولوجي إحنا قلنا ان هو منذ بداية الحضاره صح بس الإنسان كان بيعمل العمليات بتاعته دي من غير ما يعرف أصلا هو ده ايه او يسميه بأي إسم بس بقي في اواخر بدايات القرن السادس عشر جه كده صانع عدسات عبقري هولندي شغوف كده بالاستكشاف إسمه انتوني فإن ليفينهوك وشاف ان فيه كائنات حيه حاجات غريبه صغيره جداً متناهية الدقه تحت قطرات المياه ال بص عليها من خلال العدسه ال هو عاملها ومن هنا جات فكرة الميكروسكوب ال العلماء بيستخدموه لحد وقتنا ده وكمان العلماء اخدوا اكتشافه ده وسجلوه في المجلات العلميه واتسمت الحاجات ال هو شافها تحت العدسه في قطرات المياه بالميكروبات أي الكائنات الحيه الدقيقه لأنهم لما درسوها لاقوها بتشبه في تركيبها الكائنات الحيه بس عباره عن خليه واحده بس ومن هنا جه مصطلح الايوكاريوت والبروكاريوت حقيقه او غير حقيقية النواه لأنها كمان ما فيهاش نواه دا الماده الوراثيه بتاعتها موجوده في السيتوبلازم بتاع الخليه وده كان فإن ليفينهوك وطبعا مش هاتكلم عن البيوتكنولوجي وهانسي اقربهم لقلبي وهو حد معظمنا سمع عنه عارفين لما بنيجي نتريق علي نيوتن ونقول دا ايه الفضي والفراغ ال هو فيه ده علشان تفاحه وقعت من الشجره فوق دماغه يطلعلنا بقوانين الحركه والجاذبيه وكل ال هو عمله ده ما كان اكلها وريحنا طيب احب اقولكم ان ده التفاحه هي جات لحد عنده ووقعت فوق دماغه وظاهرة طبيعيه هو بس تعب دماغه شويه ان يفكر فيها سأل سؤال بسيط هي ليه وقعت انما حبيب قلبي ده الفراغ والفضول وصلوه انه عايز يعرف لما يجوز بسله ازهارها بيضاء مع بسله تاني ازهارها بنفسجي ايه ال هايطلع قاعد هو يزرع في البسله ويجوزها لبعضها علشان يعرف لما يحط دي مع دي هايدينا ايه طبعاً كلنا عرفناه جريجور مندل بس طبعاً كل السف ال قولته فوق ده وفراع وبتاع من وراء قلبي بجد علشان البوست يبقي فيه روح بجد إنما ال هو عمله ده فتح باب لعلم الوراثيه الجزيئية واكتشاف تركيب ال 🧬 DNA وعمل نموذج ليه علي ايدين واطسون وكريك وقبلها أصلا التجارب ال اتعملت علشان تثبت ان الDNA هو الماده الوراثيه مش هاننسي طبعاً بكتريا s وبكتريا r والفار ال موتناه معانا علشان نثبت ان ال DNA هو الماده الوراثيه (لو عايزين اشرح تجربة الإثبات قلولي في الكومنتات) وطبعاً بعد الدراسه علي المستوي الجزيئي النيكليوتيدات والسكر والفوسفات والقواعد النيتروجينيه والروابط وعمليات الانقسام الخلوي والكروموسومات وكل ده لحد ما وصلنا مؤخراً للتعبير الجيني والسينترال دوجما أو المعادله المركزيه للحياه (نسخ وتناسخ وترجمه ) ي هانشرحها بالتفصيل ادام والسيكوانسينج طبعاً والداتا الحيويه ده اخر حاجه يعني (با احس بإنهزام اوي لما با اقول ان اخر ال وصله البيو برمجه ) ما علينا نسكيب الموضوع ونكمل دا غير اكتشفات كيميا الانسان والتمثيل الغذائي والتركيب الحيوي للجسم طيب بردوا مافهمناش حاجه مال قولتي عليه فوق ده علوم مختلفه ميكروبيولوجي ووراثه وكيمياء حيويه يعني كل ده أصلا من فروع علم الأحياء
ايواااااااااااااااااااااااا بالظبط كده دا ال عايزه اوصله كده قطعنا نص الطريق يا جماعه علم الأحياء ده اسمه ايه اسمه بايولوجي صح كده وده اسمه بايوتكنولوجي مش كده يعني احنا خدنا البايو من بايولوجي
وحطينا عليها تكنولوجي ولو ترجمنا الكلمه وقولناها بالعربي هاتبقي تقنيه حيوية او تكنولوجيا حيويه يعني إيه بردوا الكلام ده ما استفدناش حاجه
طيب لحظه بس صبركم عليا لسه هاكمل البوست جه اكتر من المسموح بيه ادوني فرصه بس هو لما ليفينهوك اكتشف الميكروبات إحنا استفدنا ايه استفدنا ان جه بعده لويس باستير واكتشف عملية البستره ال بتخلصني من معظم الميكروبات الممرضه في الأكل والعلماء بعد كده بتقنيات الصبغ والتنميه والعزل ال هانتكلم عنهم بالتفصيل بعدين ماتقلقوش مش هاسيب حاجه قدروا يصنفوا الميكروبات ويتعاملوا معاها سواء نافعه عن طريق تنميتها واستغلال وظيفتها زي الخميره في عمليات التخمر وانتاج الكحولات وبعض البكتريا تاني بتنتج صبغات وهكذا والضاره طبعاً عن طريق التخلص منها بالتعقيم ال ليه كذا طريقه هانقولها او المضادات الحيوية ال هي بتنتجها بكتيريا برضوا علشان تموت بكتيريا تاني بتنافسها علي المغذيات في البيئه وهكذا
ولما العلماء اكتشفوا الماده الوراثيه والصفات والتعبير الجيني قدرنا نعمل نباتات معدله وراثيا بتقاوم الظروف ال حواليها من ملوحه وحراره وافات وجفاف وغيرهم ونباتات مهجنه طبعاً علشان اخد احسن إنتاجه بعد ما انتخبت احسن نبات عندي وعايزاهم المحصول كله يبقي زي النبات ده وعلي فكره التهجين غير التعديل الوراثي لو حد عارف الفرق يكتبلي بردوا في الكومينت طبعاً طرق العلاج الجديده ال كله بيسعالها دلوقتي وهي الجين ثيرابي او العلاج الجيني وده طبعاً عن طريق التحكم في التعبير الجيني ان اوقف جين معين مسؤول عن حاجه مش حلوه زي جين الانقسام بتاع الكانسر وده طبعاً مش سهل ولسه واكيد الكيميا مش محتاجه حد يتكلم حد يتكلم عن تطبيقاتها في الحياه لأن الحياة كلها كيمياء أصلا
طيب نستنتج ايه بقي من الكلام ال فوق ده
ان البيوتكنولوجي هو تطبيق العلوم الحيويه لانتاج منتج بيفيد الإنسان زي الميكرو والمضادات الحيويه وكده يعني هو استخدام المنظومات الحيه سواء نبات حيوان كائنات حيه دقيقه من اجل تطبيق عمليات عليها لإنتاج منتج مفيد في النهايه يعني با اختصار هو تطبيق العلوم الحيويه من اجل إنتاج منتج مفيد يعني ان انا بقي با اطبق بقي علم الأحياء ده ونظرياته واستخدم الكائنات الحيه في الصناعه علشان اطلع في الاخر بمنتج مفيد اقدر استخدمه وبصراحه هو مش في الصناعه بس في حاجات تانيه كتير
الوان الوان الوان أخضر أخضر اخضر انا في المرج موجود اسمحولي بطفوله دانتوا يا ما هاتشفوا لسه بس قولت كده علشان المره الجايه هانتكلم عن الوان البيوتكنولوجي المختلفه وطبعا اقربهم لقلبي green biotechnology وطبعا الألوان دي هي عباره عن المجالات المختلفه ال بيدخل فيها البيوتكنولوجي والأخضر ده هو البيوتكنولوجي الزراعي استنوني بقي مع باقي المجالات وماتنسوش تقولولي رايكم وتعليقاتكم ونصايحكم طبعاً واستمر او لا ودي كانت البدايه ان إحنا عرفنا هو ايه أصلا البيوتكنولوجي واستنوني بقي في رحله طويله مع العلم الواسع ده مش ها تكمل غير بدعمكم
ازيكم يا أبطال💚🤭😚🧬🤩
أسفه تأخرت عليكم عاملين إيه جاهزين نكمل رحلتنا بقي الممتعه في البيوتكنولوجي إن شاء الله يالا استعدوا وشدوا الهمه💪
يالا نبدأ
زي ما وعدتكم المره ال فاتت أن إحنا المره دي هانتكلم عن ألوان التكنولوجيا الحيويه
زي ما قولنا قبل كده أن البيوتكنولوجي علم واسع جداً ومش مقتصر علي مجال بعينه علشان كده العلماء حطوا لكل مجال بيدخل فيه البيوتكنولوجي لون خاص بيه فايلا بقي نتعرف علي الألوان دي ومجال كل لون
are you ready
التكنولوجيا الحيوية الحمراء 🩸 اللون ده متعلق بالرعاية الصحية والطب. كل شيء له علاقة بالعلاجات الجديدة، الأدوية الحيوية، وتطوير اللقاحات (زي لقاح كورونا مثلاً). تخيل العلماء قاعدين يطوّروا علاجات بتقنيات متطورة جداً!
التكنولوجيا الحيوية الخضراء 🌱: اللون ده بيمثل الزراعة والبيئة. بيستخدموا التقنية الحيوية في تطوير محاصيل أكثر مقاومة للأمراض والجفاف، وأيضاً في تحسين الجودة الغذائية. باختصار، هي اللي بتساعدنا نزرع أكل أحسن! وطبعاً ده اللون الأقرب لقلبي من بين كل الألوان 💚
التكنولوجيا الحيوية البيضاء 🏭: هنا بنتكلم عن الصناعة، بمعنى استخدام التكنولوجيا الحيوية لتحسين العمليات الصناعية، سواء بتقليل التلوث أو زيادة الكفاءة في إنتاج المواد الكيميائية، البلاستيك، والوقود الحيوي.
التكنولوجيا الحيوية الزرقاء 🌊: اللون ده بيمثل عالم البحار! تكنولوجيا حيوية تعتمد على المحيطات. يستخرجون أدوية وكائنات حية من البحر لأغراض طبية وبيئية. يعني حتى السمك بيلعب دور في الطب! 🐟
التكنولوجيا الحيوية الصفراء 🍯: هذا اللون مخصص للأغذية والمشروبات. يطورون في مجال صناعة الأغذية لتحسين الطعم، القيمة الغذائية، وحتى مدة الصلاحية باستخدام الكائنات الحية.
التكنولوجيا الحيوية الذهبية 🧠: الذهب هنا مش لأنه غالي، لكن لأنه يتعلق بالبيانات والمعلومات الحيوية. يشمل هذا المجال تطبيقات الذكاء الاصطناعي وتحليل البيانات البيولوجية وتقنيات النانو.
التكنولوجيا الحيوية الأرجوانية 📚: لو كنت تحب القوانين والسياسات، فهذا اللون يهمك. هنا بنتكلم عن التشريعات والسياسات المتعلقة باستخدام التكنولوجيا الحيوية، خصوصاً في الأمور الأخلاقية والمجتمعية.
وطبعاً طالما أنا ال بتكلم مش هاننسي طبعاً ال dark biotechnology: أو التكنولوجيا الحيوية المظلمه ودي تكنولوجيا حيويه خاصه بالحروب البيولوجيه عارفين أفلام الخيال العلمي لما يبقي فيه ڜركه أو مؤسسة معينه بطور ميكروب مضر علشان تنشره في البيئه وتأثر علي الناس ال عايشه في المكان وطبعاً ده الي حد ما موجود يعني لما بيبقي فيه حرب بين بلدين ممكن بلد منهم تنمي ميكروب خطير علشان تبيد سكان البلد دي كاملين زي قنبله بيولوجية كده
وطبعاً مش هانسي جو البنات اللطيفات واللون الوردي 😘 ايوا بالضبط كده فيه تكنولوجيا حيويه ورديه
Bink biotechnology: ودي تكنولوجيا خاصه بمجال ال cosmetics والتجميل وصناعة مستحضرات التجميل
..........................................
وبكده بقي يبقي إحنا تقريباً غطينا معظم ألوان التكنولوجيا الحيوية تقريباً ممكن بقي تكتبولي في الكومنتات رأيكم في كتابتي وايه فكرتكم عن الحروب البيولوجية وايه أفلام الخيال العلمي ال تناولت الموضوع مثلاً يعني 🤔😉
ويالا بقي استنوني في بوست جديد بس متنسوش تقولولي رأيكم وتعليماتكم يالا بااااااااي🤭🤗💚😘 اشوفكم المره الجايه علي خير
🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬🧬💚💚💚💚💚💚💚💚💚💚💚💚💚💚💚💚💚💚💚💚💚💚💚💚💚💚💚يأتي فاكرين أول بوست كتبناه قبل كده ..................................................................................................................
فاكرين ياشباب لما قولنا أن البيوتكنولوجي هو تطبيق العلوم الحيويه لإنتاج منتج مفيد وقولنا كمان أن ليه فروع والوان وأقسام وتطبيقات كتير اوي وقولنا هانتكلم عنها بالتفصيل لكن الاول علشان نوصل للتطبيقات لازم الأول نتعرف علي الفروع بتاعته وياتري ايه هي العلوم الحيويه دي جاهزين
😘🥰😍💚💕 يالا بينا
وأول علم هانتكلم عنه هو علم الميكروبيولوجي طيب ايه هو بقي يا دؤدؤ الميكروبيولوجي ده احنا عرفنا البيوتكنولوجي بالعافيه 🤔😔
طيب استنوا بس عليا شويه هاقولكم دلوقتي🥰
الميكروبيولوجي ياشباب هو فرع من فروع علم الأحياء بيهتم بدراسة الكائنات الحية الدقيقة.......
يو بقي ايه هي بقي الكائنات الحية الدقيقة دي😡
🥺 استنوا بس عليا وانا هاقولكم دلوقتي
الكائنات الحية الدقيقة دي هي كائنات حيه متناهية الصغر لا يمكن رؤيتها بالعين المجردة ولابد من الميكروسكوب لرؤيتها
🤔طيب زي ايه بقي الكائنات الصغنطوطه دي وهي وحشه ولا حلوه اصلا
هانقول اهو يالا بينا جاهزين
الكائنات الحية الدقيقة عندي زي البكتريا والفيروسات والفطريات طيب بقي هي الكائنات دي حلوه بقي ولا وحشه مش كلها حلو ومش كلها وحش .
طيب بما اننا اتكلمنا عن البيوتكنولوجي وبنتكلم عن الميكروبيولوجي وبنحاول توصله للناس ال ملهاش خالص في الميكرو خلينا كده نتكلم الاول وندردش كده شويه قبل مانتعمق في الموضوع علشان الموضوع كبير جداً احنا في العادي كده بنسمع كلمات زي البكتريا والفيروسات والميكروبات والجراثيم وما نعرفش ايه الفرق بين الكلمات دي كلها وطبعاً ما اقصدش بكلامي ده الناس ال درست ميكرو انا أقصد بس الناس العاديه ال معندهاش فكره عن الموضوع وكل فكرتها أن دي شوية كائنات ممرضه وخلاص لكن احنا هانوضح بقي الفرق ما احنا بنقول بايوتكنولوجي للجميع نيجي بقي الاول للبكتريا
هي كائنات وحيده الخليه غير حقيقة النواه الماده الوراثيه بها موجوده في :البكتريا
الستوبلازم منها الضار ومنها النافع وليها امثله كتير زي الايشريشيا كولاي والميكروكوكس والباسيلاوغيرهم
الفيروسات بقي كائنات غير خلويه اصلا بتتكون من ماده وراثيه غالباً الرنا :الفيروسات
وغلاف بروتيني بيحيط بالماده الوراثيه وهي غالباً بتكون غير نشطه أو لاتنشط الا داخل خلية العائل ودي بقي امثله عليها زي الايدز وسي والانفلونزا وغيرهم
أما بقي الجراثيم فادي بقي وسيله من وسائل التكاثر والتضاعف في الكائنات الحية الدقيقة زي البكتريا والفطريات يعني هي مش كائن لوحدها وهانفهم ده بعدين
أما بقي الميكروبات زي ما اتكلمنا قبل كده أن هي مصطلح شامل بيشملهم كلهم زي ماقولنا بكتيريا وفطريات وفيروسات
يعني بقي لما اجي اسأل حد بعد كده واقوله ايه هي الكائنات الحيه الدقيقه مايقوليش جراثيم وميكروبات تمام ممكن يقولي من المصطلحات الشائعه دي بكتريا وفيروسات بس ال هانفهم الفرق بينهم بالتفصيل المره الجايه
يجب عليك تسجيل الدخول لنشر تعليق.